Во рамките на проектот ДЕСЕТТИОТ МОСТ, ХОПС-Опции за здрав живот планира да промовира и афирмира култури кои се негуваат помеѓу младата популација. Ова, во една поспецифична рамка, опфаќа активности поврзани со урбано-модерното живеење на еден современ град каков што е Скопје. Во овој проект ќе бидат опфатени самоорганизирани групи на млади што се занимаваат со карактеристични спортови и уметнички изразни форми како белег на нивна идентификација, но и на градот кој претставува мулти-културна и мулти-функционална целина. Тоа се, пред се, скејтбординг, ролерблејдинг, цртање графити и тагови, жонглерство, недоволно афирмирани музички правци итн.
Името на проектот е мотивирано од податокот дека на потесното градско подрачје постојат девет мостови кои ги поврзуваат левиот и десниот брег на реката Вардар и го претставуваат градот како една компактна целина. Целта на проектот е да направи симболична претстава на урбано поврзување. Самиот наслов на проектот симболизира воспоставување врска помеѓу различните младински културни примероци, но и премостување на разликите и спротивностите во системите на вредности кои можат да се забележат во Скопје и Републиката.
17.06.2000
There are nine bridges that connect the left and right bank of the river Vardar and represent the city of Skopje as a compact whole. The title symbolizes the establishment of the project on youth culture between the different samples, and bridging differences and contradictions in the system of values that can be observed in Skopje and the Republic of Macedonia.
17.06.2000
VA Compilation 10ti Most
Festival of urban music
Компилација 10ти Мост (10.Мост)
Фестивал на урбана музика
